電影 - 僕はイエス様が嫌い - 耶穌真係落咗嚟

導演奧山大史第一套長片就用咗自己細個時遇到嘅事凑拼咗呢一個故仔，自編自導自己攝影，講緊一個小朋友主角，跟住屋企人由東京搬到去北海道，重新適應新環境，然後學校神父話耶穌有求必應，咁佢就即管去求，又真係俾佢遇上第一個朋友，故事就喺度開始。

2019年筆者第一次欣賞這齣電影，當時感受還未咁深，過咗五年再睇，當中嘅坦誠原來佔咗一大部份。你有冇坦誠咁面對自己心中嘅惡呢？你求嘅嘢又係唔係正直嘅呢？若果真係如你所願達成咗令人傷害嘅願望，咁又係唔係真係令你暢快咗呢？

引述導演當年就住呢部電影嘅闡述：

「此片並無反宗教意圖，只希望透過小孩角度，展現對神的沉默之憤怒與懷疑，讓觀眾反思信仰真義。」

有意思嘅電影，推薦。