My little detour - 《為食鬼終於試到炸魚》

甘米

2022 年 5 月 21 日

IPFS

6 Aug 2019, Tue (Day 68 晴->雨, Mexico City-> Puebla, Mexico )

本來今朝都仲有諗過好唔好去National Museum of Anthropology，但計計下好似好趕，又要睇到趕頭趕命，所以我放棄左。食完早餐我執埋野，問左巴士公司係唔可以早check in後我就係咁二出去行左個圈。

先去metro買定張metro 飛，隨後到最主要目標係El Palacio Postal, 原來其實我根本經過好多次但無入。由於早前已寄晒postcard, 入去純兜個圈，但本身座building係好classic好靚。

參觀完行返hostel經過麵包鋪，買左條上次係超巿買好好味的包，呢到買2.5 peso, 個紙袋仲好靚，但上次超巿食的新鮮d。後又去左hostel後面條街，真係勁似女人街，咩雜項野都有，行完就返去check out, 然後坐係common room 等夠鐘出發。

睇左地鐵點搭，都好順利到TAPO。跟手就問下由Puebla去Oaxaca的巴士時間表。都估到ADO普遍較貴，折完大概4-500peso, 我咁cheap, 梗係揀AU，仲揀左最平嗰班3:45 pm巴士，盛惠277 peso + 10 peso service charge。

搞完晒返去等車出發去Puebla，其實墨西哥嘅塞車問題都幾嚴重，又係開車無耐就塞，最後差不多2.5個鐘先到。嘩! 呢個巴士站仲大規模過Mexico City 的TAPO。呢到個arrival hall已經成層，仲要跨過天橋先見到departure hall, 真係超大，仲有勁多巴士公司。其實hostal都有提示我點行搭咩車去，但實踐起上嚟總係有落差。

問左警衛叔叔linea ruta 3係邊，勁好人嘅佢唔識講但都帶我去。跟住要入閘，咦，好似一定要買卡無得就咁比錢喎，猶豫之際，突然冒出一個uncle, 佢走過嚟示意入落佢張卡到然後幫我過，大佬呀，咁好人架咩？！然後我仲發現...佢原來唔係一齊搭車架，佢只係見我徬徨突登走過嚟幫我嘟卡咋😱😱 （8 peso)。

落車之後跟住指示都唔難，去到hostal好難得哋感覺良好， 3晚價錢513 peso (因為4人房變6人房，佢比左95折我）。

放低野我就出去搵mercado, hostal老闆果然指示清晰，過左3.5個block就見到，我都係買嗰的野啦，再加左個細粒綠蕃茄添，總值13 pesos, 然後再買左5隻蛋（10 peso) 同兩隻蕉（4 peso)就準備去centro兜個圈就返去，點知又比我見到間local d嗰種超巿，買定飲品同通粉（13 peso)。呢個market都好大，我仲見到街邊有炸魚賣，好似好好味，買左2條魚（25 peso）食。嘩！又熱又脆好好食呀！無耐就落起雨嚟，真係轉個圈就返去了，但由於食左炸魚，頭先買的餸準備留到明天。