共蟹 丁蟹

[大時代01]

丁蟹：方進新不斷問丁蟹「我點得罪你呀」，丁蟹不斷講「你心知肚明」。

共蟹：說不出你有什麼問題，便硬塞一句「你心知肚明」、「你別有用心」，便當判了罪。

丁蟹：你係咪神經錯亂呀？屋企父慈子孝，你咁都要走咗去。

共蟹：你係咪神經錯亂呀？國家咁興旺，放咁多自由行落嚟，你哋唔感恩，仲要話搞獨立？

[大時代02]

玲姐(HK)：我唔鍾意你架，你畀我走啦。

丁蟹：好啦好啦，我投降啦......我哋結婚啦!

共蟹：好啦好啦，我投降啦......我哋融合啦！

丁蟹：睇嘢唔好睇一面，龍成邦維持黑白兩道，冇咗佢，暴動都似。

共蟹：睇嘢唔好睇一面，共蟹維持社會安定，冇咗佢，暴動都似。

(改寫自網絡)

[大時代03]

丁蟹：方進新你搶我女朋友，我哋三十幾年朋友，你竟然搶我女朋友，阿玲自古以嚟已經係我丁蟹不可分割嘅一部份，你知唔知？

[大時代04]

方進新太好人，明知丁蟹癲都走去保釋佢，以為同佢三十年朋友，三十年都對佢咁好，要顧情義，點知畀丁蟹打到腦殘。

香港人太好人，明知共蟹癲都走去親共，以為血濃於水，三十年不斷接濟上面親戚同捐錢，要顧同胞情義，點知畀共蟹打到殘廢！

丁蟹：丁蟹追住方進新，係咁打係咁打，打到佢無路可逃，只能下意識舉起張摺櫈防衛。丁蟹：「啊，你搵摺櫈打我。」跟住一拳打到方進新腦殘。

共蟹：共蟹追住香港，係咁打係咁打，打壓晒佢原本有嘅核心價值，打到佢無路可逃，只能下意識舉起支旗表示捍衛自治。共蟹：「啊，你想武裝革命推翻政權搞港獨自己做皇帝。」跟住一錘定音要打到香港殘廢！

[大時代05]

玲姐對住丁蟹，講道理講唔到，打又唔夠佢打，你點憎佢佢都當你好有感覺，迫你愛佢。港人對住共蟹，也一樣。

[大時代06]

丁蟹打死方進生前，情緒激動，蠻不講理，但卻同方進生講：「明明可以坐低好好傾，你死都唔傾。」

共蟹次次都一錘定音，兇神惡煞，開動國家機器大肆抹黑，封死對話可能，但佢總會同你講：「政改明明可以坐低好好傾，你哋班人死都唔同我傾。」