CantoConnect 系列 第一集｜喺伯克萊，斯坦福，三藩城大，Save Cantonese 為粵語爭取空間

我哋最近開咗一個新系列：CantoConnect，目標係介紹全球致力推動粵文藝復興嘅組織同個人，範疇包括語言、歷史、文化、社群等等。針對每個對象，我哋會介紹佢哋嘅使命、創立理念、主要項目，同埋佢哋所尋求嘅合作同支援。呢個系列就好似一份「文獻綜述」或者「指南」，希望幫助大家了解世界各地做緊啲咩，激發更多合作同靈感。

喺第一集影片入面，我哋訪問咗美國粵語保育組織 Save Cantonese 嘅義工 Kenneth Ng。佢分享咗 Save Cantonese 喺加州大學伯克萊分校，斯坦福大學，三藩市城市學院推動粵語課程及證書嘅事蹟。