【防疫罩住您】第六罩

2020 年 4 月 8 日

防疫除咗要注意個人衛生、家居清潔，仲要注意鍛煉身體呀！無論係健全定傷健嘅朋友，強健嘅體魄對於抵抗病毒都係非常重要。

雖然宜家行山咁多人，各種康樂場所、gym room又關閉咗，但都阻止唔到我地要運動！留係家中嘅大家不妨係屋企都做下各樣適合嘅運動，例如係舉重或者利用自身重量嘅運動、跳繩、甚至簡單舒展筋骨都得，總之就要郁起身啦~！

現時新型冠狀病毒疫情持續蔓延，已成為全球大流行。在賽馬會緊急基金資助下，路向 “同心抗疫，共渡難關” 項目黎緊將會推出一系列防疫漫畫——「防疫罩住您」，教授大家正確的防疫知識。

除咗所有人都適用嘅基礎防疫知識，我地嘅內容仲會涵蓋不同障別人士的防疫需要，以致不但殘疾人士可知道更多貼近自身需要的防疫知識，健全人士也可以了解更多殘疾人士在疫情中的需要和困難！抗疫也不忘傷健共融！

CC BY-NC-ND 2.0 授权