禪坐共修初體驗

今次係禪訓初班畢業後第一次參與禪坐共修，起初都有少少緊張，唔知接住落嚟會發生咩事，好擔心自己會唔小心做咗啲咩柒事。不過簽到完，排隊等候期間見到有學長學姐引導入大殿，不知不覺心就開始安定落嚟（比想像中多人參加，至少都有70人）。拎到蒲團後學姐會指示我到方墊上坐，然後坐咗一陣就發現自己柒咗，原來大家上坐前會先拜佛，我完全冇做就坐低咗，內心有點小尷尬（巧合地我坐緊嘅後方就係法師⋯⋯🙈）。不過諗返轉頭其實沒有大不了，比起形式，誠心參與先係最緊要。

動禪結束後，聽講今次係有別以往，加入咗經行嘅環節。我哋S字型跟住前面嘅人圍繞住大殿行，行咗唔知幾多圈，頭就冇再胡思亂想，而腰就開始痛了，有幾刻會諗幾時行完QQ。臨結束法師示意經過自己嘅方墊就停低，不過剛好嗰吓我錯過咗！考慮緊要唔要行捷經兜返入去嘅時候，心裡有個聲音話：唔使擔心，繼續跟大隊向前行。之後一路跟住兜多咗個圈，就順利歸位了，要相信一切自有安排。

透過法師慢慢引導，加上道場的氛圍，共修比起獨自禪坐更容易進入狀態。要記得將身體重量交給蒲團，氣慢慢向下半身流動，不用腦的感覺。念頭來的時候不要阻止，覺察它，然後放下它，回歸方法，回歸呼吸。好好享受身心合一，放鬆的感覺。當感覺氣往下流的時候，我開始享受呼吸的感覺，腦中一直煩腦的都消散了，只想感覺氣從鼻流動的感覺，感覺好平靜好清淨。下坐來到最治癒的時刻 - 按摩，不知已經打坐了多久，回神過來腳超級痺，但奇怪地剛才經行時的腰痛消失了。當做掃走頸、腋下的濁氣時，身體真的有種淨化的感覺～ 

前往道場中途的小插曲：我本來行錯路，行前咗一條街，點知就喺錯嘅路偶遇到我嘅好朋友！（我們兩三天前才見了面），緣份有時就是那麼奇妙，錯有錯著～