電影 - 虎毒不

冇人一生出嚟就識得做人老竇老母，時代唔同咗同上一代處理家庭同生活、事業、養育孩童嘅文化都唔同咗，究竟點樣去平衡自我同埋家庭崗位上面嘅責任呢？

有人話呢齣電影係恐怖片，其實認真講應該係一齣警世片，每個角色都只企喺自己嘅立場去想件事好，但係不知不覺間就發現原來自己已經將唔同嘅責任區分咗，有啲可能係傳統嘅角色，有啲牽涉到自己嘅家庭崗位，咁究竟點樣去取捨先至可以平衡到每個人自己嘅利益同埋責任。

事實係我哋從來都唔知道對方經歷過乜嘢，面對緊乜嘢困難，心理上邊有幾大嘅負擔，好多時都係想到自己做到乜嘢、俾到乜嘢，但係又係咪真係咁識得為人切想，定係其實只係為自己切想呢？

電影最後出嚟嘅結局，導演其實冇俾到任何出路，咁觀眾嘅情緒係咪就困咗喺入邊呢？或者睇完之後搵個人傾吓偈、宣洩吓，可能會好啲。

最後筆者想起了媽媽，相信媽媽由懷孕到哺育孩童嘅筆者所面對嘅困難唔會比戲中嘅主角少，好唔容易咁捱過咗，都仲要經歷青少年時期嘅反叛不安定、成年時期嘅困惑不妥協。排除萬難先到自己稍為安定安心嘅時候，又再次面對自己身體上嘅波瀾，做女人實在不容易。