My little detour - 《開心做義工，腦袋順便告一天假》

吃過煎香蕉早餐之後返學， 但覺得好肚餓， 所以在途經的麵包店買了一個包做早餐 (Q3), 如常返學放學食午餐， 今日下午的通粉午餐都幾啱胃口， 我發覺最近自己食多左好多野， 真係好大鑊。 

跟出發去墨西哥的Oscar道別後本來想要溫書， 但力不從心， 其實應該是因為人太懶散， 唔知點解讀極都唔入腦， 於是索性瞓個晏覺， 抖足精神去踢波(我應承左Mona去做義工，同小朋友一齊踢波)。 我預設鬧鐘17:25響鬧， 不過原來係set左上午5:25。還好17:50時我自己彈起身醒左， 急急腳行去Quetzaltrekker搵Mona。 一切預備好就出發踢波， 咦...呢邊街道我完全未去過， 估唔到都有人工草地場喎呢到。 雖然第一次踢波， 仲要對住成班活力充沛的小朋友， 但其實又幾好玩喎。小朋友同阿sir都好sweet， 結束後佢地會逐個講再見同擁抱先走架。

之後返到去有新菜式喎， 不過係外賣的pachu de papas同pan (pan即係麵包）, 我覺得都可以， 仲食左隻蕉添， 真誇張， 但到而家我都仲木未開始溫書， 我係咪應該趁早放棄。

已用：Q3

Q3 食早餐唔夠飽要食麵包