耶穌升天與信仰「去中心化」

試想如果耶穌復活後仍然留喺地上面，所有人要見耶穌或向佢祈禱都要直接走去搵佢，咁耶穌個總部門口一定永遠塞滿要見佢嘅人，輪候嘅人龍隨時幾百公里，而世界各地要朝聖見佢嘅人都要山長水遠親自去到佢總部搵佢，(發明Zoom之後可能好少少)。

耶穌話：「然而，我將真情告訴你們，我去是與你們有益的；我若不去，保惠師就不到你們這裡來；我若去，就差他來。」（約翰福音16:7）

其實佢已經預備好「去中心化」嘅方法，自己升天，差遣聖靈降臨喺每一個信徒嘅心中長遠與信徒同在，免除信仰過度中心化既問題。

可惜今時今日仍然有基督徒以教堂為聖地（中心化），每個星期抱住朝聖心態去睇show，信仰就只係等同於返教堂，好似返教堂先至搵到神，平日就冇活出聖靈同在「去中心化」嘅信仰生命（當神無到），失去聖靈降臨每時每刻與聖徒同在嘅原意。