轉眼25年 閃電

25年前，亦即1998年，我當年第一次涉足網站，到hongkong.com做過一個月編輯，第一次去澳洲旅遊，第一次加入《蘋果日報》，第一次（跟嘉禾）簽下編劇以及導演合約，電影名稱叫《有些女人不能碰》，然後嘉禾倒下。

我在之後15年，再兩度進出《蘋果日報》，讀完兩個碩士，終於考入香港大學，贏過香港曲棍球盃賽冠亞軍甚至聯賽季軍，成功入選香港隊參加過全運會，終於也至少編導過電視節目，不過亦落得一身債，到後來靠大學教書先還清；亦正正等足15年，先成功開拍自己第一部電影《點對點》，得到第一個金像獎提名。

如果可以出時光機，返到1998年，今日我會同當年我講，要儲蓄，要儲蓄，要儲蓄，至於其他所有所有想要做到，其實最後都會做到，花時間沉澱先好，太年輕太容易做到，其實會害死我。

如果返到1998年，今日我同當年我講，你2023年會變成點點點，香港又會變成點點點，當年我應該難以置信。「Life must go on anyway」「最緊要自己冇變就得」。希望有700萬港幣票房，對朋友投資者有交待。